स्पष्टिकरण

का.वि. मा हाल सन्चालन भईरहेको शैक्षिक आन्दोलन प्रती यो ब्लग ऐक्यबद्धता जनाँउदछ र का.वि. भित्रका भ्रष्टाचार, दुराचार, अनाचार, नातावाद, कृपावाद र यस्तै अन्य विकृतीहरुको पटाक्षेप गर्न यो ब्लग कृतसँकल्पीत रहेको कुरा हामी पुन दोहोर्याउन चाहँदछौँ। का.वि.को उन्नती र प्रगती का.वि.का लगनशील, जुझारु र समयसापेक्ष प्राध्यापन तथा लाईब्रेरी देखि अन्य विभागमा कार्यरत कर्मचारीहरुका लगनशिलता र विध्यार्थिहरुको लगानी, लगनशिलता र शिक्षा प्रतीको अनन्य लगावले मात्र सँभव भएको हो । तर, करीब ९० प्रतिशतका लगानी माथी १० प्रतिशतको हैकम र मनपरीतन्त्र का.वि.मा सुरेश राज र सीतारामको नातावाद, कृपावाद र भ्रष्ट आर्थीक कृयाकलापले पालितपोषित गरदै आएको सन्दर्भमा हाल आएर यी गतिविधीहरु अत्यन्त बढन गएको देखिन्छ। हामी बाहेक का.वि.मा अरु कोही होईनन र हामीले जे गर्छौँ त्यो सबैले मान्नु पर्छ भन्ने सुरेश राज र सीतारामको तानाशाही मानसिकताको परिणामस्वरुप लगभग एक दशक का.वि.मा प्राध्यापन गरिसकेका प्राध्यापक श्री सुभाष ढुङ्गेल, चन्द्रकला शर्मा, सुलोचना श्रेष्ठ र प्रभावती राजभन्डारीले हठात प्राध्यापन सेवाबाट हटनु परेको देखिन्छ । का.वि. शिक्षण अस्पताल देखि लिएर का.वि.को मेडिकल प्रोग्रामलाई अत्यन्त सक्षमताका साथ शुरुआत गर्ने अत्यन्त विद्वान शिक्षसेवी डा. अर्जुन कार्की र कुम्सका अन्य लगनशील विरष्ठ प्राध्यापकहरु डा. सुरेश राज र डा. सीतारामकै घीनलाग्दो राजनीतिबाट विरक्तिनु पर्दा कुम्सले आफ्नो लक्ष, धरातल र प्रतीष्ठा नै गुमाउने अवस्था आएको छ। यस्तै लोकतन्त्र स्थापना पश्चात लोकतान्त्रीक आन्दोलनमा सरिक भएकै कारण र प्राध्यापकहरुका हक अधिकार लागी गठीत कुपाको वकालत गरेकै कारण अर्का प्राध्यापक डा.बोरिस निरौला माथि डा.सुरेश राज शर्मा र डा. सिताराम अधिकारीको तानाशाही बन्चरोले प्रहार गरेको पनि धेरै भएको छैन। यस तानाशाही परिदृश्य भित्र निहित अन्तर्वस्तुलाई डा. सुरेश राज र डा. सीतारामको अत्यन्त घटीया र घिनलाग्दो राजनीतिक खेललाई बुझ्ने धेरैले अवश्य पनि बुझेको हुनु पर्छ।

का.वि. भनेकै हामी हौँ र हाम्रा परिवारले निष्कँटक राज गर्नु पर्छ भन्ने सोच बोकेका डा. सीताराम र डा. सुरेश राजले आफ्नो हैकम चलाउनकै लागी जथाभावी बोल्ने, आफ्ना मतियारहरु र आफ्ना नातेदारहरुका प्रचुर प्रयोग गर्दै का.वि.कै वरिष्ठ प्राध्यापकहरुका चरित्र हत्या गर्ने-गराउने, प्राध्यापकहरु बिच फाटो ल्याउनका लागी अनावश्यक विवाद सिर्जना गर्ने र कहिलेकाँही का.वि.मा छोटो समयकालागी सेवा दिने उद्देश्यले आएका विदेशी प्राध्यापकहरुलाई पनि प्रयोग गर्दै का.वि. का शिक्षकहरुको तेजोवध गर्ने जस्ता कामहरु हँुदै आएको तथ्य अब कसैवाट लुकेको छैन। डा.सीताराम र डा. सुरेश राजका करतुतहरु बुझेका अधिकाँसले हिजोका दिनमा यी नातेदारहरुले डा. पुष्पराज, डा. भद्रमान लगाएतका सम्बन्धमा के बोल्थे, के भन्थे भन्ने कुरा पनि छर्लङ्गिसकेको छ । यस सन्दर्भमा का.वि.सँग परिचितहरुका लागी आर. बजगाँई द्वारा यस ब्लगलाई पठाएको "सीतारामको ई-मेल छोरालाई" नामक सामाग्रीले कुनै नौलो कुरा दिएको छैन र यस्मा निहीत भावहरु सत्य हुन भन्ने सबैले बुझ्नु पर्दछ । हुनसक्छ डा. सुरेश राज र डा. सीतारामको प्रचारमा रुमल्लीएका र का.वि.का वास्तविक हकदारका पीडा-मर्का बुझ्न नसकेका तथा का.वि.सँग नितान्त नौला ब्यक्तीहुरलाई बजगाँईजी द्वारा प्रेषित पत्रमा केही कमजोरी रहेको भान हुनसक्दछ। अर्को तर्फ, यस ब्लगमा प्रकाशीत सामाग्रीका सत्यता प्रती हामी कटिबद्ध छौँ र आर. बजगाँईद्वारा प्रेषीत सो पत्र वास्तवमै रजिष्ट्रार सीताराम स्वयम द्वारा प्रेषीत पत्र हो वा होईन सो को प्रमाणीकरणका लागी हामीले आर. बजगाँईजीसँग पत्राचार गरिरहेका छौँ। यदी सो पत्र वास्तवमै सीताराम अधिकारी स्वयम द्वारा लिखित हो र आर. बजगाँईजीले हामीलाई सत्यताको प्रत्याभूती दिनु हुन्छ भने सो पत्रलाई हामी पुन: प्रकाशन गर्नेछौँ। का.वि.का अत्यन्त उच्च पदमा पदाशिन ब्यक्तिहरु के-कस्ता कुरा हरु गर्दा रहेछन भन्ने जानकारी सार्वजनिक रुपमै हुनु पर्दछ र तबमात्र का.वि.को पूर्ण शुद्धिकरण सँभव छ भन्ने हाम्रा मान्यताहरु रहेका छन। यसर्थ, सो सामाग्रीका सम्बन्धमा प्राप्त टिप्पणीका सम्बन्धमा हामी सो पत्र वास्तविक हो-होईन प्रमाणीकरण पश्चात मात्र सो पत्रलाई पुन: प्रकाशन गर्ने वा मुल्तवीमा राख्ने निर्णय प्रकृयामा रहेको
जानकारी गराउन चाहन्छौँ। यसका साथै, आर. बजगाँईबाट प्रेषित अन्य लेखहरु पनि मुल्तवीमा रहेको जानकारी ब्लगका पाठकहरुलाई दिन चाहन्छौ। यसै स्पष्टिकरणका साथ श्री आर. बजगाँईजीलाई आफ्ना लेखहरु सत्यताको कशीमा तौलेर मात्र पठाउन हुन सचेत पनि गर्दछौँ।

"सीतारामको ई-मेल छोरालाई" भन्ने पत्र अहिले सम्मकै छोटो समयमा बढी हिटस आएको हाम्रो लेख हो भन्ने जानकारी पनि सम्पूर्ण पाठकहरुलाई दिन चाहन्छौँ। यसका साथ, सो पत्र पश्चात ब्लगले अनेकौँ धम्कीहरु पुन: प्राप्त गर्न थालेको जानकारी पनि पाठकहरुलाई दिन चाहन्छौँ। बौद्धिक थलोमै जलन कुमार जस्ता नामुद भ्रष्टचारीको प्रयोग गर्दै आफ्ना समकालीन प्राध्यापक माथिनै धावा बोल्न सक्ने शर्मा र अधिकारी के कस्री आफ्ना मतियारहरु परिचालन गरिरहेका छन भन्ने हामीले स्पष्ट बुझेका छौँ र यस ब्लगले यस्ता केही मतीयारहरुका पहीचान पनि गरिसकेको छ। उचित समयमा यस सम्बन्धी जानकारी पाठकहरुलाई पस्कने छौ।ँ अन्तमा यस ब्लगको उद्देश्य भनेकै का.वि.को प्राज्ञिकतालाई उकास्ने भएका कारण कुपाका उद्देश्य र चालु आन्दोलनलाई नै केन्द्रविन्दुमा राख्दै यो ब्लग कृयाशील रहने जानकारी दिन्छौँ र का.वि.का तानाशाहरुका षडयन्त्रकारी गतिविधिलाई पटाक्षेप गर्ने लेख-आशयहरु पनि प्रकाशीत गर्नेछौ पूर्ण सत्यता जाँच सहीत ।

धन्यबाद।
ब्लग म्यानेजमेन्ट समिति