काविमा र्-याली तथा धर्ना

कावि सन्वाददाता:

१३ जुलाई २००६, धुलिखेल: काठमाडौँ विश्वविध्यालयमा हाल सन्चालन भईरहेको "विश्वविध्यालय सुधारको आन्दोलन"को प्रमुख अँगको रपमा काठमाडौँ विश्वविध्यालय धुलिखेलमा आज बिहान भब्य र्-याली कार्यक्रम सफलताका साथ सन्चालन भएको । काविका अधिकाँश प्राध्यापकहरु सहभागी सो र्-यालीको प्रमूख उद्देश्य काविमा हाली मूहाली चलाईरहेका डा. सुरेश राज शर्मा र डा. सीताराम अधिकारीको नातावाद, कृपावाद र भ्रष्ट आर्थिक कृयाकलापका छानविन तथा काविमा वर्षौँ प्राध्यापन गर्दे आएका तर डा. शर्मा तथा डा. अधिकारी द्वारा अत्यन्त निरँकुश तवरले हटाईएका प्राध्यापकहरुको पूनर्वहाली तथा कुपाको गठन र लोकतान्त्रिक आन्दोलनमा सहभागी भएकै कारण सेवाबाट अनियमित तवरले हटाईएका असिस्टेन्ट प्रोफेसर डा. बोरिस निरौलाको स-सम्मान पूनर्वहालीका मागलाई सशक्त ढँगबाट उठाउनु हो।

लोकतान्त्रिक आन्दोलनमा झै, कावि भित्रको यस र्-यालीमा कावि प्रशासनबाट पालिएका मन्डलेका समूहहरु र्-यालीका सहभागीहरुलाई उत्तेजित बनाउने कार्यमा लिप्त देखिएका थिए। आफ्नो प्रशासन विरुद्ध सन्चालीत र्-यालीमा काविकै उपकूलपति डा. सुरेश राज शर्मा स्वयम पनि सँलग्न हुनु र धर्ना कार्यक्रममा पनि करिब पौने सवा घन्टा बस्नुले कावि प्रशासन कुनै निहित योजना अन्तर्गत सो र्-यालीलाई भाँडन र तोड-फोडमा उक्साउने योजनामा लागेको देखिन्छ। राष्ट्रिय दैनिक तथा टेलिभिजनकै उपस्थितिका कारणले गर्दा नै कावि प्रशासनले सो शान्तीपूर्ण र्-यालीमा हस्तक्षेप तथा मन्डलेहरुको घुसपैठ नगराएको देखिन्छ।

कुपाका अध्यक्ष तथा महासचिव डा. समिर दिक्षितको नेतृत्वमा सम्पन्न र्-याली कार्यक्रम पछि प्रशासन भवन अगाडी धर्ना कार्यक्रम सन्चालनमा छ। वर्तमान भ्रष्ट नेतृत्वलाई वर्तमान नेपाल सरकारले अतिशिध्र हटाउनु पर्ने कुरामा र्-यालीका अधिकाँश सहभागीहरु एकमत देखिन्छन।